يا صانع المكياج الله يجازيك ..خليتني مخدووع في شكل خلي .

السلام عليكم ...

قريت قصيدة ظريفة في احد المنتديات ... و حبيت اني انقلها لكم ، ما ني مطوله عليكم اترككم مع القصيدة و اتمنى تعجبكم...

يـا صانـع المكيـاج الله يجـازيـك
خليتني مخـدوع فـي شكـل خلـي

الله يحـرق مصنعـك مـع مبانيـك
والمعرض الموجـود في بيكاديلي

ادعي عسى تعمى وتنشـل رجليـك
هـذا دعائـي دوم لا جيـت اصلـي

خليتني اركـض ورا البنت هاذيـك
واشوفها اجمل غـرام ٍ حصـل لـي

قلبي عشقها يا(جيفنشي) توماتيك
وان شافها قلبـي يرحـب يهلـي

هي رحبت بـي وقالـت الله يحييـك
وقالت هلا باللي عشق زيـن شكلـي

وقالت انا اجمل بنت في اللي حواليك
شف حسني الاخاذ وروجي العسلّـي

طالعتها ثـم قلـت هالقلـب يبغيـك
ومن شاف حسنك خلى غيرك يولـي

ابغي اشوفـك دون مكيـاج يكسيـك
وابغـي اشوفـك بالجمـال المحلـي

قالت تبينـي افـرك الوجـه تفريـك
واشيل هالبـودر وروجـي وكحلـي

قلت أي نعم قومي عسى الروح تفديك
ابغـي جمالـك هالطبيعـي يهـلّـي

قالت دقايق راجعـه لـك واراويـك
ذاك الجمـال اللـي لعينـك يسـلّـي

ويوم رجعت لي شربكتني الشرابيـك
وحسيت الارض تدور وانـا بمحلـي

الخد كنه يا(جيفنشـي) سيراميـك
والوجه شارع مثـل شـارع حولـي

الوجـه كنـه بيـت كلـه شبابيـك
من هالحفر في وجهها اللـي يعلّـي

كلـه سبـب مكياجـك الله يجازيـك
خليتني مخـدوع فـي شكـل خلـي

وأنصح أنا كل شاب من غير تشكيك
لا لا اتسـرع ثـم تنغـش مثـلـي

اللـي بـلا مكيـاج خلهـا حواليـك
واللـي تحـط مكيـاج خلهـا تولـي

منقوول

زائر

هههههههههههه

ثااااااااانكس على النقل

مع اني ولد ومالي في الموضوع بس بتكلم بحياديه

بصراااحه له منفعه مثل ما له مضره

وآآآآسف على الازعاج

تقبلي طلتي

مشكووور أخوي على مروركـ ..

والموضوع حق الكل مو بس للبنات .. ..

سلامـــــــــ

هههههههههههه

تسلم يدينك

من جد القصيده حلوه

بس هذي الله يهديها شكلها مابقى مكياج ماحطته

تقبلي مروري
بنت الخبر

ههههههههههههههههههههههههههههه
تسلمين تحياتي لك

شاكرهـ لكم طلتكمـ الحلوهـ !!

سلامـــ

» سبحان الله وما شاء الله تبارك الله‎
» سبحـــــــــــــان الله
» كيفية العلاج القرآني -بإذن الله-
» الرقم الذي حير العلماء>>>> سبحان الله
» هذه الروابط لمن أراد نشر الخير والدعوة إلى الله