مصطلحتنا الخاصه .....؟؟؟!!!....؟؟؟!!!

هلا والله ومرحباا

شرفتونا ونورتونا يا أطلق أعضاااااء في البستااان
تبوون اي لوووون ؟
>>-- خش على الي خبصت ابو ام الكلام ودخلت شي بشي هع

>>---- كالعاده المعتاده ما تعرف تكتب مقدمه

يا نعنبا المقدمه كانها تدبل كبدي ولا أشتهي اكتب مواضيع بسبتها Sad

المهم الكتااااب وااضح من عنوانه

طبعا الكل يعرف ان لكل شخص قاموس خاااااص له من كلمات وأفعال وتصرفات

فأنا حبيت أقولكم وأكتب لكم قاموسي الخاااص انا وبنات عمي

تخيلوا عاد مرتن من المرات حبينا نكتب كلماتنا في دفتر على شان ما ننساها مهما مر عليها الزمن

المهم وكتبناها وعطيناها وحده من بنات عمي

وكانت الكلمات كثيره لدرجه ماهيب طبيعيه

وكنا ماهوب بس كاتبين الكلمات حقتنا

لا كنا كاتبين الأغاني الي علقنا عليها وألفنا عليها

والحرات الي حنا مخترعينها

الا جات مرت عمي وشافت الدفتر وظنته خرابيط ورمته من ضمن الدفاتر الي ما يبونها

أذكر اني بذاك اليوم غلايق الدنيا كلها تجمعت فيني من جد أنقهرت على الدفتر Sad

المهم

ترى كلماتنا

يا كلمات حنا مألفينها

أو ماخذينها من احد ومألفين عليها

أو ماخذينها من مسلسل وعلقنا عليها

يعني لا أحد يتفلسف علي ويقول ماهوب انتي الي مألفه الكلام

فهمطوا ؟؟

ايه صح وأحب اقول ان حقوق الطبع محفوظه

ما نبي كلماتنا الخاصه

تكون على كل لساااان

نبيها حصريه على عيلتنا وصديقاتنا فقط Smile

>>--- من زين الكلمات عاد أكتبي وأنتي ساكته الله لا يهينس هع

..^^..^^..

1- صار وجهي ستيكاات = يعني من الفشيله تقصص وصار كنه ستكيات هع

^^

2- دووده
عاد دوده ذي لها معاني كثيره

المعنى الأول اذا مثلا قلنا لوحده منا وش فيك صايره اليوم دوده = يعني مالك خلقه احد ونفسك في خشمك وصايره غلايق الدنيا كلها فيس

والمعنى الثاني اذا مثلا قلنا لوحده وووع وش ذا الدوده الي طالعه بوجهك = يعني وش ذا الحبه الي طالعه لك خخخخ

والمعنى الثالث اذا قلنا مثلا هوووع دوده دوده يا متأنق = يعني هذا اذا شفنا شي مقرف نقول هالجمله

^^

3- طلقه في شوارع الرياض او طلقه في شوارع العالم العربي والأسلامي أو طلقه في شوارع الكويت وهكذا هع = يعني من حلاتها كنها تنطلق في الشوارع بسرعه خياليه

مثلا اذا شفنا وحده مزيونه نقول ماشاء الله اليوم أنتي طالعه طلقه في شوارع الخليج = يعني زينننه وبقوووه هع هع

^^

4- حيوان بشري = يعني أنت او انتي حيوان وفي نفس الوقت انسان وهذي نقولها لا عصبنا من شي خخخ

^^

5- العازميه = هههههههههههههه هذي ماحد له دخل بمعناها وليه حنا نقولها ولمين هع هع

^^

6- حـــــــى = اختصار لحشى هههههه= وهالكلمه معناها وش دعوه

وهذي جاتنا فتره طويله نختصر بالكلماات زي تسذا نقول بدايتها بس

مثلا هففف طططططط = يعني طفش هههههه

^^

7- باااا أصدق = منيب مصدقه

وهذي قسم بالله أنتشرت انتشاااار عظيييم لدرجه ماهيب طبيعيه

^^

8-ثلووووج أوروبا أمريكا أفريقيا استراليا = يعني برررررررد مرررررره هع

هذي عاد علقنا عليها يوم ان كنا بالبر لأن بالبر البرد يكون ماهوب طبيعي
>>--- لا والله قلتي شي جديد يعني ؟

>>--- يا لبيييييه يالبر Smile

^^

9- الحب الحب = يعني تكرار الكلمه مرتين

يعني مثلا اذا شفنا وحده زعلانه نقولها وش فيك ؟ الزعل الزعل ؟

هيك يعني

^^

10- يعني أيه ؟= يعني وش هو ؟

هذي برضو علقنا عليها مره ومن نقولها تجلس وحده منا تكمل الأغنيه

الي هي يعني ايه لما كلامي يبأ كلووه بسرتك لشيرين عبدالوهاب هع

^^

11- هفففف = أوووف

هذي الكلمه حتى أبلاتنا يقولون لنا ليه نقولها ويضحكون لا قلناها

^^

12- طخم = يعني طقم

مثلا اذا شفنا ثنتين لابسين نفس الشي

>>--- يا قدم هالحركات خخخ

نقولها يؤ وش فيكم لابسين طخم وهكذا عاد

^^

13- ساده مسدسد بالبشاميل = يعني مثلا اذا شفنا وحده لابسه جينز وتيشريت نقولها وش فيك لابسه بدله ساده مسدسده

اما اذا كانت لابسه عقد أو حلق نزيد عليها بالبشاميل هع

وهذي حتى جدتي لببببببى قلبها تقولها هههههه

ذاك اليوم تقولي يالله أكلي من الغداء تراني مسويته ساده مسدسد بالبشاميل على شانك = يعني مافيه حشوو وبصل وهيك شغلات هع

أنا يوم انها قالت كذا مت من الضحك
قلت لها أجل ساده مسدسد

قامت تضحك وقالت والله محد علمني غيركن يالمبقطااات = يعني يالمدلعات لأن حنا نحب الأكل يكون سااده مابوه بصل هههههه

يا جعلني ما ابكيها Smile

^^

14- طبيعي صانسلك = يعني اذا شفنا وحده حواجبها حلو ه نقولها هذاي حواجبك طبيعيه صانسلك والا مشقرتهم او حافتهم

يعني طبيعي من الله ماهوب مسويه بوه شي ما شيات خخخخ

^^

15- سريييييع بريييييع = يعني بسرعه

مثلا اذا كنا بنطلع وحنا متأخرين ونسينا جوالتنا نقول للشغاله روحي جيبي جوالتنا سريييييع برييييع

^^

16- طنطي سودي - يعني أسمر مررررره

مثلا اذا شفنا واحد من عيال عمي نقول يؤ وش فيك صاير طنطي سودي يعني مسمر كثييير

^^

17- طيران الخليج = يعني نفس معنى سريع بريع

( ناظروا رقم 15 خخخخخخخخخخخ )

^^

18- الصناحه الصناحه = الصراحه الصراحه = يعني صدق ؟

مثلا اذا قالت لي صديقتي صدق راح تجين بيتنا ؟ اقولها تبين الصناحه الصناحه والا الكذب ؟

^^

19- أنا حررره = يعني بكيفي أنا محد له دخل فينا

وبرضو كلمه كيفي أتحكم

وكيفي أشتهيت

كلهم نفس المعنى هع هع

^^

20- صخله وصخلول وصخلوله = هذا اسم حيوان علقنا عليه مررررره ونقوله بس للي نمون عليهم مره Smile

وبرضو كلمه حقييييره

علقنا عليها

وأكرهك

هذي عاد فجأه نلتفت على بعض انا وصديقاتي ونقول لبعض اكرهك هههههههه

وبرضو لبى قلبس علقنا عليها نقولها بداعي وبدون داعي هع

نفس الشي نلتفت على بعض ونقول فجأه لبعضنا لبببببببببببببببببى قلبس وبصوووت عالي

>>-- أنا جمعت هالكلمات وحطيتهم في نفس الرقم لان هالكلمات متداوله وبقوه Smile

^^

21- فقاااش = يعني شديده البياض

مثلا ذاك اليوم أقول لجالكسي صاحبه التاكسي وش فيك صايره فقاااااش يالدب ؟
يعني بيضه مره

يعني كلمه فقاااااش طباق مع طنطي سودي هع هع هع =طباق يعني عكس

>>-- أمووووت أنا في الي يعرفون نحوو مدري بلاغه هههههههه
>>-- والله من الفلاحه انك ما تدرين المحسنات البديعيه بالنحو والا البلاغه هع

^^

22- أندوومي = هذي برضو لها معاني كثيره

المعنى الأول هو مثلا اقول لخويتي وش في شعرك اليوم صاير أندومي يعني كيرلي يعني فلافل بمعنى أخر هههههه

والمعنى الثاني هو مثلا أقول لأمي يمه علميني طريقه طبخه أندوومي يعني سهله في دقيقتين تخلص خخخ
والمعنى الثالث هو مثلا اذا أخوك قالك روحي سوي لي حلا أقوله والله لو اصير اندومي ما سويت لك هع هع

^^

23- تتزيعطين ؟ تتقيوين ؟ ايييييه اتزيعططططات وأتقيووووات = هذي كلمه عيال وهي تزعط أنت ووجهك مثلا أو تتقيواا =يعني بمعنى أخر تهايط تقول انك قوي وأنت الخوف والجبن ينبع منك >>--- أهم شي الجبن ههههه

عاد اذا انا قلت لها تتزيعطين او تتقيوين لازم تقول ايييييه أتزيعططات وأتقيوووات يعني تجمعها هع

..^^..^^..

وه بس وه تعبت

باقي كلمات كثييييره مره لاكن نكتفي بهذا القدر يا الدبيييين هع

ومره ثانيه أحب أقول لا أحد يسرق ولا كلمه الله لا يهينه

او يسرق الموضوع ويحطه بمنتدى ثاني

>>--- كذا مره شفت مواضيع لي ولبنت عمي حنا كاتبينها موجوده باسم ثاني بمنتدى غير

او مسجلين بنفس أسامينا بعد بالمنتدى الثاني هفففف من جد هاذيل يدبلون الكبد Sad

وأي أحد عنده قاموس زينا أو كلمه علق عليها يحطها ولا يستحي هع

ع العموم نشوفكن على خير

يا الدودييييييين ههههههه

ههههههههههههههههههههه

والله ذكرتيني بحركاتنا احنا وبنات خالاتي يبيلنا قواميس مو قاموس

لاوتزيد هالحركات اذا جينا الحسا ياحبي لها jocolor

نقدر نقول سالفه كامله وما احد يفهم منها شيء لان الكلمات من اولها لاخرها ماتنفهم scratch

وعندكم كلمة فقاااش شديدة البياض <<<احنا نقول فقوووش Smile

وعلى طاري هففف انا وحده من الحسا دايما تقولي اياها من جد كانت تقهرني الكلمه وما كنت فاهمتها زين لايكون هي وحده من بنات عمك والا انتي اكون اعرفك وانا ما ادري lol!

ويسلمو حبيبتي على الموضوع

تقبلي مروري
بنت الخبر

زائر

تســـــــــــــلمين اختي على الفكره

بس هذي مع الوقت تطلع لحااااالها

ههههههههههههههههههه

ياحليلكم

اماااااا مصطلحااااااات تووووووووخفـهـ

يس afro

لموو خيتوو عـ المصطلحات

تسلمون على الردوووووووود

النايس حبايبي