اللي يحب ||[ Chilis ]|| يدخل هنـــــــآ ,,!

--------------------------------------------------------------------------------

هاااااااااااايوز .. سبايا & شبآب
هذي احلى الوصفات .. من تشيليز
مره مره يمي .. وختيييييييييره

اول شي .. (ستيك رب آي مشوي)

المقادير

شريحتين من ستيك (ريب آي) وهي أفخم نوع من أنواع اللحوم المستخدمة في عمل
الستيك المشوي.تلقيها في السوبر ماركتات الكبيرة أو عند بعض اللحامين
المتخصصين
ولازم القطعتين تكون عريضة شوي(إصباعين تقريبا عرضها) وحجمها بحجم (كف )
اليد
تتبيلة الستيك ((وهي السر الكبير في عمله))
3
حبات ثوم مهروس ناعم
2
ملعقتين من الخل الأسود
ملح
فلفل أسود
نصف فنجان شاي عصير ليمون
صوص دبس الرمان((هذا تلقوه ناحية الصوص والتتبيلات في السوبر ماركت))
مكتوب عليه كذا (دبس رمان)
(صلصة HP لشرائح اللحم) ((كمان تلقيها في صف الصوصات والتتبيلات))
زعتر بري مجفف((موجود في صف المتبلات والأعشاب في السوبر ماركت))
إكليل الجبل طازج((تلقيه في جهة الخضار الطازجة في السوبر ماركت..وهو يشبه في
شكله(الشبت) لكن طعمه مختلف عنه تمااااما)) نفرمه ونجهزه

الطريقة

اغرزي الشرائح في عدة مناطق بالسكين وعلى الوجهين حتى تتشرب الصوص الذي
ستنقع فيه..
للصلصة..
نخلط جميع التوابل مع بعضها البعض وننقع شرائح اللحم فيها ونضعها في الثلاجة
طوال الليل حى تتشرب الصوص وتلين قطعة اللحم لأنها عريضة شوي((يعني اليوم
إللي تبغي تسوي فيه ستيك حطي الشرائح في الصوص من الليلة إللي قبلها وإنقعيه
فيها طووول الليل أو لليوم الثاني))
وألحين جا اليوم الثاني ((إللي راح تعملي فيه الستيك))
جهزي شواية الفحم أو شواية كهربائية وإبدأي حطي عليها شرائح اللحم وإشويها
((وإدهنيها لماتنشف بالمتبقي من الصوص في الصحن إللي نقعنا فيه اللحم أمس))
هذي ترى خطوة مهمة
وكل شوي إقلبيه على الجهة الثانيه لين تنشوى الناحيتين تماما وتحسيها إستوت
وأغرزي السكين في الستيك لتأكدي إن كان إستوى من الداخل أو لأ..
وضعيه في طبق التقديم وراح أعلمكم حركه رهيييييبة وراح تدعولي
ترى مايستخدموها إلا المطاعم الفاخره
راح أعلمكم كيف تعملوا قطعة الزبدة بالأعشاب إللي يحطولك هيه فوق الستيك أول
مايتقدم..عشان تسيح فوق الستيك من حرارته وتعطيكي طعم يجننن..
طريقتها ومقاديرها هيه..
تحتاجي زبدة ذائبة (على حسب عدد المكعبات إللي تبغي تسويها))
عشبة الزعتر البري المجفف
ثوم مطحون ناعم
قوالب ثلج((بس إللي تجي دارية وفيها حركات حلووة مثل الأحرف والأشكال))نسخن
الزبدة ثواني على النار ثم نضع عليها الثوم المهروس ونقلبه بسرعه شديده عشان
لايينحرق لونه
وبعدين أحط فوقها قليل من الزعتر البري
وأقلبها بسررررعه لين تاخذ نكهة بعضها البعض وأطفي عليها النار
وأبدأ صبها في القوالب وأحطها بالفريزر تجمد..
طبعا من يوم تسوي الستيك على طول حطيها فوقه لأنها لما تذوب الزبدة مع الحرارة
حتعطيكي طعم مو معقوول أبداا...
وبالهنا والعافية

++++++

ثاني شي .. (بطاطس تشيليز المهروسة إللي تدووووخ .. *ماشد بوتيتوز* )

أولا حابة أقولكم إن المقدار لشخصين طيب.

.
((المقادير للبطاطس))

4حبات بطاطس جيدة متوسطة الحجم
زبدة
(البهارات)
((فلفل أسود.ملح.زعتر بري.شطة سائلة,مكعب ماجي))

((الطريقة للبطاطس))

أولا نجيب فرشاة تنظيف البطاطس (أو أي فرشاة تنظيف خاصة بالخضار عندك) وطبعا كلنا نعرف البطاطس من أكثر الخضار إللي تشيل أتربه..
إنقعيها في وعاء عميق مغمور بالماء الساخن وقليل من الملح والخل.. وبعد كذه نظفي البطاطس بهذا النقيع مع الفرشاة جيدا((توصوا فيها)) والسر في أن الخل والملح ينظفوا تمام القشرة من أي شي عالق بها.. وترى ضروري تنظيف القشرة..
تمام.. بعد كذه حطي في قدر على النار كل التوابل والبهارات السابق ذكرها وهي..
((فلفل أسود.ملح.زعتر بري.شطة سائلة,مكعب ماجي))
طيب وماء سااااخن وقلبيها لين تفور مع بعضها تمام وبعد كذه غطسي حبات البطاطس فيها وخليها نصف ساعة تنسلق في هالنقيع لين تستوي ..
في هالأثناء راح نعمل الصلصة..
((مقادير الصلصة))
علبة حجم صغير من قشطة الخفق
زبدة
نص فص ثوم مهروس(لاتكثروا لأننا مانبيه يطغي على طعم الصلصة)
بهارات((ملح وفلفل أسود وبابريكا((هذي البابريكا أهم شي في الموضوع))
علبة جبن كرافت متوسطة (تشدر وليست السائلة)
((طريقة عمل الصلصة))
نضع قليل من الزبدة في قدر صغير على النار حتى تسيح ثم أضع عليها الثوم مهروس لثواااااااااني بدون أن يحمر ((إنتبهوا أنا أبغى النكهة بس))
وبعدين أضيف فوقه مقدار قشطة الخفق وأتركه يفور شويه لين يثقل قليل وبعدين أتبله بالملح والفلفل والبابريكا)
وإتركيها على جنب..
طبعا ألحين البطاطس إستوت
جيبي البطاطس وقشريها بالشوكة وإذا كان فيه بقايا من القشرة بسيطه على البطاطس مو مشكلة خليها لأنك منظفتها وتقدري تاكليها بعد ماأستوت البطاطس..((إنتبهي لاتكبي موية النقع وألحين أقولك ليش..
أهرسي البطاطس بواسطة شوكة وزحطي فوها شريحتين صغار من الزبدة وقلبيها مع البطاطس تمام لين تمتزج نكهة الزبدة مع البطاطس..
بعد كذه نجي لسر الطعم الرهيب في البطاطس..
خذي تقريبا 4 ملاعق كبيرة من ماء سلق البطاطس المتبل بالماجي والبهارات وإعجنيها مع البطاطس بالشوكة..
هالحركة راح تفيدك بكذا شي:
أولا:راح تخلي البطاطس متماسكة
ثانيا:راح تتبلك البطاطس وتخليلك طعمها جنان..
بعد ماعجنتيها ((مو تصير عجينه عجينه..يابنات أنا أقصد مفهوم العجن يعني المزج وليس العجن باليد فقط بالشوكة..))
بعد ماعجنتيها جيبي صينية بايركس أو تيفال مو مشكلة ماكو فرق..وتكوني مولعة الفرن من فوق((يعني الشواية ))
جيبي البطاطس وإكبسيها في زبدية صغيرة مثل حقت الشوربة تمام وإقلبيها بعدين في الصينية البايركس بحيث يكون شكلها مثل القبة..بعد كذه إبدأي إضغطي عليها من المنصف بحيث يصير شكلها مثل البركان((أمنى تكونو فاهمين علي)) إنتبهوا لاتوصلوا لنهاية البركان لأ لنصفه فقط.. يعني الحفر بوسط القبة لايوصل للنهاية عشان لما نصب الصلصة فيها ونجي نشيل البركان ماتنكب الصلصة من وسط البركان(عجبني مصطلح البركان ماتشوفوني طيحّت عنده)
أهم شي يوصل المعنى خلاص لاتدققوا..
وسوي كل مقدار البطاطس زي كذه حيصير عندك مجموعه براكين صغيرة >>((أبو التعبير))
وبعد كذه إبأي صبي في داخل هالبراكين مقدار بسيط من الصلصة تمام ورشي الصلصة ببودرة البابريكا (قليل مو تكثروا طيب) وبعدين سيحي قليل زبدة وإدهني بالفرشاة أطراف البطاطس(البركان)
بعد كذه دخلي الصينية الفرن وراقبيه..بمجرد ماتحسي إنها بدأت تحمر شوي وتنشف البطاطس على طول طلعيها.. والسر في حركة الفرن هو:
أولا : راح تخليلك البطاطس متماسكة أكثر مع حرارة الفرن.
ثانيا: راح تخليلك الصلصة أغلظ مماهي عليه وقت صبها على البطاطس..
والسر في حركة دهن البطاطس بالزبدة هو:
أولا:تطرية البطاطس عشان ماتنشف كثير.
ثانيا : تعطي لمعه للبركان؟؟
بعد كذه لما تحمر شوي شيليها بالأداة إللي تشيلون فيها المكرونة عرفتوها..عشان تقدروا تشيلوا القطعه كلها دفعة وحده.. وحطوها في طبق التقديم جنب الستيك والخضار وبالهنا والعافية ياغاليات..
إنشاء الله عجبتكم ياحلوات..
ملاااااااااااااااااااااحظه ..
شوفوا قبل ماتصبي خليط قشطة الخفق بداخل براكين البطاطس وتجهزيها لدخول الفرن..تبشري الجبنة التشيدر تمام وتخلطيها مع قشطة الخفق بالملعقة وتحطيها في براكين البطاطس..
أو في طريقة ثانيه وهي إنك تحطيها على وجه قشطة الخفق ((بس بعد مانخرجها من الفرن مو قبل طيب..))

+++++++++
--------------------------------------------

flower

واااااااااااااااااااااااااااو

مشكووورة قلبو على الوصفاات

تقبلي مروري.....

زائر

يمـــــيــــــــــــــــــــــــــــ

شهويتيني على البطاطا المهرووووسهـ ...

شكرا ً على المقادير ...