تبي تفطس من الضحك ..((..مصطلحات جدويه آآه ه

:: أشكل ::


جات فتره انتشرت دي الكلمة بصورة كبيرة وهيا بشكل عام معناها الطناش
فلمن تيجي تبغى تطنش شي تقول أديه اشكل ومأخودة من لعبة البلوت او
الورق للاخوان اللي ما يعرفو معنى البلوت



:: أل ::



انتشرت بشكل رهيب اضافة ال التعريف من باب المبالغة في الفترة
الاخيرة زي مثلا لمن تشوف واحد غشيم تقول مو بس غشيم الغشيم ههههههه
لمن شباب يعاكسوا في السوق ويشوفو بنات ما يقولو بنات البنات ما رح
يفهمها الا اهل الحجاز بصراحه لانها تتنطق بطريقة مميزه



:: إنبراش ::


نعرف انه لمن بتلعب كوره واحد يدخل عليك معناتها انبرش عليك لكن عند
الشباب صار
لها معنى تاني انبراشة صار معناها انه دخله غلط وسط
الكلام يعني انه تكون انته والشلة بتهرجوا في موضوع ويجي واحد يقول
كلام مالو أي علاقة بالموضوع هنا نقول فلان انبرش وهادي تصير
انبراشه ولا لمن يكون الكل ساكت ويجي واحد يقول كلام ماله داعي زي
نكته بايخه مثلا هنا نقول على الحركة دي انبراشه



:: بسط وهز وسط ::


تخيلو الفيلم الهندي دا كولو عشان تجاوب على احد يقولك كيف حالك؟



:: بلف ::


هههههههههه من اضحك المصطلحات بصراحة طبعا الشباب يعرفو البلوف
معنى
انه شخص ينبلف يعني انه يسوي الشي بسرعه بدون تفكير مثلا لو
شاف صاحبه اشترى سياره جديده وعجبته قوام جاب وحده من نفس النوع هنا
نقول انه بلف ينبلف بسرعة ههههههه ولمن يكونو اتنين بيتضاربو
ويجي واحد يحرش ..
ولا لما يكون واحد يجري بالكورة ولساعو بعيد عن المرمى ويجي واحد
يقولو شوووت يقوم يشووت كدا بسرعة دا نقول عليه انبلف هههههههه
احس بعض الناس ماحتفهمها بس هوا معناها كده وخلاص



:: حمزة ::


هادي اللفظ اللي المفروض يتلغى من قاموس الشباب بتاتا البتة لأنه
على اسم صحابي جليل وحرام
نهين الأسم بالصوره هادي وحمزه هادا اللفظ
معروف حاليا بين مجتمع الشباب بالشخص الركاب يعني الكزاب فلمن تلاقي
احد يبكش يقولوه بس ياحمزه
((ومو قصدي عليك ياحمزه ))



:: جنط ::


لكل يعرف جنوط السيارات طبعا لكن اليومين دول برضو صار للجنط ا
معنى تاني ..
يعني لمن واحد يقرفك ويطفشك من كلامو ..
يقولولك الشباب اعطيلو جنط يعني طناش ..
وهادي زكرتها فوق بمعنى أشكل



:: دافور ::


دافور معناها زمان في الحجاز الفرن ولكن دحين صار معناها البنت او
الولد الشاطر\ة في الدراسة نقول عنه\ا دافور\ه اللي دايمن شغال
عالكتب



:: دعس ::


زي الكلمة تنقال للاقدام على الشي وتنفع مرادف لكلمة قدام يعني
لمن مثلا يجي احد يقولك تيجي نروح التحلية ترد عليه وتقول والله دعس
يعني يلا معاك
ولا هيا شباب نلعب كورة يقولولو ادعس
زي الكرتوووون :
تنقال للواحد الأهبل



:: شاكوش ::


معناها الاصلي طبعا المطرقة لكن دحين صار معناها البنت ولا الولد
اللي مو حلو ههههههه نقول عنه شاكوش



:: شباب في رحلة ::


وهيا مرادف لكلمة مشى حالك
فلمن تعمل شي وما يطلع مره مزبوط فتقول للي جنبك يااخي عادي شباب في رحلة
ههههههههه من فين جات هادي الله اعلم
ولا تسوي شي مو معتاد كدا وتحس احد استغرب فتقولو شباب في رحلة ياخي



:: شوربة ::



طبعا كلنا نعرف الشوربة احلى شي عندنا هنا شوربة الحب على الفطور
ياسلام سلم لكن هنا معناها غير فلمن انته تقول شوربه يعني شي سهل
فلمن مثلا يكون عندك اختبار ويكون سهل جدا تقول الاختبار كان شوربة
وهكذا
ولا مسلا تكلم احد وتقولو انا اروح شوربه ..
يعني اروح وطي ..
ولا تيجي المدام تجبلك الاكل تقوم تقولها حياتي من غيرك شوربة




:: طقطقة ::


ودي الكلمة تنقال لمن تبغى تتسلي في واحد يعني تستعبط عليه وهوا
اهبل يكون مسكين على نياته وتلاقي ياما شباب مثلا متجمعين يقولو
فلان نطقطق عليه ولا تلاقي واحد يجي يقول امس طقطنا على راس فلان
وزي كده



::أبو كلب ::


وهادي الكلمة تنقال لما يكون في شي ما يعجبك هههههههههاي يعني زي
لمن يكون جوالك قديم ومعدوم العافيه تقول عليه جوال أبو كلب ولمن
يكون قلمك ما بيكتب زي الأوادم ويقطع تقول قلم
أبو كلب



::في الألف وفي المليون ::


دي حلوه مره وهيا لمن تشوف شي يعجبك ويكون مميز مافي زي يعني او
تعمل حركه مميزه او شي زي كده لنفرض مثلا جوال عجبك تقول والله جوال
في الألف أو تقول جوال في المليون



::نمرة واستمارة ::


: ودي تنقال عند التأكيد وغالبا في الغباء والهباله زي مثلا تقول
فلان أهبل بنمرة واستمارة



::كاي ::


: وهادي هيا ضحكة الشباب الجديدة ويضحكوها وقت التريقة والشماتة و
لا دحين صار الضحك تقول كااااااي بصوت عالي وتمد الألف



::هبقة ::


: هبقة زمان اعتقد كان معناها سرقة لكن دحين اتغير المعنى فلمن تقول
مثلا والله هبقت انا والشباب ورحنا الكباين متلا فهبقة فهنا معناها
طلعة وليها معنى تاني بمعنى هروب زي لمن طالب يقول أمس هبقت من
المدرسة يعني شردت منها او تسوي حاجة غريبة على حركاتك انتا تقول
يا عمي هبقة



::يعطيك::


: دي الكلمة من الكلمات الجديدة وتنقال للتشجيع يعني لمن تلاقي احد
عامل حاجه رهيبه تقوله يعطيييييييييك بمد الياء التانية زي مثلا
يكون سجل قول ولا شي زي كده



::أرنب ركبتي ::


أرنب .. ركبتي .. من الكلمات الي تدل اني انا بسمه بكشه قدامي ..
فيعني قلك بيسو انهم محترمين ومايبغو يقولو للقدامهم انو كزاب ..
يقومو يقولولو كده يعني زي واحد قاعد يتكلم ويحكي وكول كلامو بكش
يقوم واحد يقول للتاني يووواد شوف شوف ارانب



::يلعن أم الفله ::


يلعن ام الفله .. << افهموووها هع هع برضوو
وهادي من
الكلمات الي ماسكه في لساني ...
لمن يكونو في شباب وعجبتهم مره الطلعه ولا في اولا يبسطو الواحد
يطلعو يقومو يقولو على الطلعه مثلا يلعن ام الفله ..



::امووو << رهيييييييييبة ::


يعني مسلا مين فين لأمو حلو ..
يابن الناس سيب امو في حالها هيا اشلها صلاح ..



::فوكنا ::
يعني تكون مافيك و واصله معاك على النهايه ..
واحد مطفشك تقولو ياشيخ فوكنا ..



::فوكها ::


هههههههههههاي هادي المره هوا حيفكها ..
لمن الواحد تكون اخلاكو زفت ومررره طين ..
تقولو ياشيخ خلاص فوكها
...



::قويه ::


لمن يسير شي مو عاجبك ولا شي كده مو زي الناس ..
تقول قوييييييييييييه بشد الياء



::خريييش ::


دي الكلمة لمن تكون جالس بين الشباب ويجيك واحد
يجلس يكدب ويلفق في الحكاية ويملح فيهاتقوم تقول خريييييش



::كوووووول ::


كووووووول .. وتنقال على أي شي يعجبهم ..
وهادي حكتر منها ..



::جييييييد ::
بشد الياء .. لمن يعجبك الشي كول جيييييييد ..



::باد ::


بااااااااد .... لمن تشوف امر مو حلو ولا ولد سيء منظرو يقولو عليه باد .
بمد الالف ..




::هيااا خير ::


لما يسير شي مفاجيء ولا يكون في حاجة غريبة كدا ولا باسوي نفسي
مستغرب ولا باستهبل اني مش مستوبع فعلى طول
هيااااا
خيييييييييييييير



::كل فطير وطير ::


يعني يللا روح سري راحت عليك خلاص




::انشكاح ::


ومعناها يعني لمن الواحد بيسمع خبر حلو ولا عندو خرجه خطيره وفيها
فله تلاقي طاير من الفرح ومين قدو .. على طول نقولو بطل انشكاح
تلاقيه منشكح



::لاتدف ::


كلمه حلوه وتنقال لمن تكون تتكلم ومتحمس في الهرجه ومتفعل في كلامو
ويأشر بيدو كده ويطلع فيها وينزل .. ولا واحد معصب وبيهزئ في الكلام .
ولا كده واحد يقول يلا بسرعه سوي كده دحين ..
تقوم تقولو
لاتدف



::قردنه ::


مثلا تبغى تخرج وابوك مصر انك اليوم معاقب مافي خوروج ..
على طول يقولك صاحبك ياشيخ روح قردنو .. يعني روح جيب راسو ..
ههههههههههههههههههههههههاي
مو راسو يعني تروح تقتل الرجال وتجيب راسو ..
لا لا يعني تجيب الموافقه ويقول طيب او تروح تقول لصحبتك نبغا نخرج
وهيا تقولك لا ومدري ايش فتقعد تقردنها الين ما ترضى
ههههههههههااي



::اصرفها.. اخرشها ::


هههههههههههاي كلمه في اللزيز ..
عندك كده كدبه ومنتى عارف تكزبها وخايف وعامل الولد الي ماعمرو يكزب
وانت دحين في ورطه ولازم تكزب ..
يقوم صاحبك يقولك ياشيخ خلاص اخرشها ولا اصرفها
ولا سويت مصيبة وتبغا تلف الموضوع فتبدا تفكر كيف تخرشها ولا تصرفها



::نص كوم ::


حركات النص كوم دي بطلوها ..
تقعد تعملي انك ولد كووول وفي النهايه ايش تبغى ..
كده قول مين الاخير ..
عندك شي تبغاه مصلحه تبغاها قول ..
لكن لاتقعد تدحلس عندي وتعمل حركات نص كوم



:: قرندي ::


هادي الكلمة تنقال مسلا نقوول البنت هادي جابتلي القرندي
ولا لما وحدة تجي تعصبني اقولها يوووووه جبتيلي القرندي هع هع
يعني الجوناااااااان



::بقوووة ::


وهاادي تنقال لما مسلا شي يعجبك تقوول والله حلووووو بقوووووووة
وكمااان ازا شي ماعجبك تقوووول مو حلووو بقوووووووة
وزي كدا


cooooool**giiiiiiiiiiiiiiirl